SYUDAD sang Iloilo – Kuntani indi na pagdalahigon ang pamilya.
Ini ang apelar ni mayor Jose Espinosa III sa iya bilas nga si congressman Jerry Treñas kasunod sang pagdalahig sang kongresista sa ti-ayon sang alkalde sa isyu sang politika.
Suno kay Espinosa, ang politika agi lang samtang ang relasyon dapat hatagan sang dako nga balor.
Pahayag sang alkalde, maathag nga wala ginahatagan sang bili ni Treñas ang pamilya lamang malambot ang handum nga magbalik bilang alkalde sang syudad.
Ang pahayag ginhimo ni Espinosa kasunod sang liwat nga pag-ungkat ni Treñas sang alegasyon nga nagdemand sang P100 million ang iya ti-ayon nga si Gina agud kongresista ang padalaganan sang alkalde.
Siling ni Espinosa, impotent na sang isyu si Treñas gani bisan ano na lang ang iya mga alegasyon.
Nahibaluan nga si Treñas nangin anay alkalde sang syudad kag manugtapos na ang term bilang kongresista apang magapadalagan naman sa pagkaalkalde sang syudad kontra sa bilas nga si Espinosa.//via Joel Franco reports
Photo from web
