ILOILO CITY – Likawan anay ang paghimo sang mga desisyon.
Ini ang verbal notice nga luyag ipalambot ni Mayor Jose Espinosa III sa mga katapo sang board of directors sang Metro Iloilo Water District.
Suno kay Espinosa samtang nagahimo sang mga clarification ang syudad kun sin-o ang may otoridad nga mag-appoint sang board sang water district dapat wala sang ano man nga mga desisyon nga himuon ang board.
Kahapon ginpakita ni espinosa sa mga katapo sang media ang kopya sang supreme court en banc resolution (G.R 197146) sa kaso sang Metro Cebu Water District (MCWD) sa Cebu City kun sa diin ang alkalde sang syudad gindeklarar nga amo ang appointing authority sang mga katapo sang board of directors.
Sa amo nga desisyon gindeklarar nga unconstitutional ang section 3 (b) sang Presidential Decree no. 198 nga nagatalana sang pagsaylo sang appointing power sa gobernador kun magnubo sa 75% sang kabug-usan nga water consumers ang ara sa syudad.
Nagapati si Espinosa nga ang kaso sang MCWD mahimo man maapply sa MIWD.
Nagakabalaka si Espinosa matapos mahibaluan nga may deal ang MIWD sa isa ka private corporation sa water distribution sa balor nga P12 billion.
Pahayag sang alkalde posible nga ipapas-an ini sa mga konsumidor.
2013 sang ginhatag sa probinsya sang Iloilo ang appointing power matapos nahulog sa 63% ang consumers sang syudad sang Iloilo.
