Malay, Aklan — Kritikal makaron rong kahimtangan it sangka eaeaki matapos nga binuno samtang nagapamaktason sa may national highway maeapit sa airport sa Brgy. Caticlan, Malay, Aklan.
Nakilaea rong biktima kay Romeo Tamayongan, 19-anyos, residente it Brgy. Sambiray, Malay naga trabaho sa cargo ag nakaangkon it tama sa may ubos it pusod.
Samtang ro ginaturong mga suspek hay sanday Ian Apareles, 33-anyos, tubong Roxas City ag temporary nga naga istar sa isla it Boracay ag naga trabahao man sa cargo, kamana man si Pio Miguel, 30-anyos kon sa siin imaw ra ro ginaturong principal suspek.
Suno kay PO2 Gerald Ilig it Malay MPS nga natabo rong insidente aga-aga it dominggo samtang ro biktima ag anang kaibahan nga si Reymark Martinez hay nagapamaktason pauli halin sa sangka baylihan ag pag abot sa may natabuan it insidente sa may madueom nga parte hay hasubeang nanda ro daywa ka mga suspek ag sa uwa it kon ano hay binuno ro biktima, gamit ro sangka folding knife.
Sambilog sa mga susoek nga si Apareles hay insigida nadakpan ag gin inquest kahapon sa kasong frustrated murder nga may pyansang P 200,000 pesos pero napaslawan ra nga maka pyansa rason nga gin remit sa Aklan Rehabilitation Center samtang si Miguel hay uwa pa madakpi ag paga kasohan man ra imaw pinaagi sa regular filing ag paghueaton eon lang nana rong warrant of arrest para imaw arestohon.
