ILOILO City – Pabor si Mayor Jose Espinosa III nga i-regulate ang operation sang mga e-bikes ukon electronic bikes sa syudad.
Suno sa alkalde indi sya pabor nga basta na lang idumili ini bangud nga may mga Ilonggo na nga naka-invest na sa bag-o nga klase sang transportasyon.
Para sa alkalde basta palangabuhi-an ang hambalan, nagahatag sya sang ligwa sa mga Ilonggo.
Importante lang suno sa alkalde nga regulated ini nga mga salakyan kaangay sang trisikad nga indi lang basta-basta makadalagan sa mga mayor nga dalanon sang syudad.
Nahibaluan nga indi magnubo sa 300 na e-bike units na ang ginabyahe sa syudad nga ginareklamo sang mga trisikad kag tricycle operators bangud wala sila sang permit sa ila operations.// via Joel Franco reports
Photo from web
