Landing sa ospital ang tatlo ka duha ka drayber lakip pa ang isa ka bata matapos magbanggaanay alas 3:25 sang nagligad nga hapon sa dalan nga sakop sang Barangay Lapuz, Norala, South Cotabato.
Imbolbado suno pa ang isa ka unit sang loader, nagaduag sang yellow, ginamaneho ni Agustin Abanggan Deliman, 53anyos, may asawa, driver kag residente sang Tupi, South Cotabato.
Sa imbestigasyon sang Norala PNP traffic section, samtang ginabaybay suno pa sang nasambit nga salakyan ang dalanon halin sa Barangay Poblacion padulong sa Barangay Lapuz sa nasambit nga Banwa, apang pag-abot sa Japitana Rice Mill, hinali suno pa ini nga nagliko sa wala nga direskyun sa diin nagasunod ang isa ka unit sang Kawasaki Bajaj nga motorsiklo, ginamaneho ni Dominador Ventura Dela Costa, 55anyos, may asawa, mangunguma upod ang iya asawa kag isa ka tuig nga apo pareho residente sang Purok Que Alma, Barangay Poblacion sa nasambit nga Banwa.
Bangud sa insidente, aksidente nga nabanggaan sang motor ang loader truck sa diin nakaangkon sang pilas sa iban nga parte nga kalawasan ang mag-asawa lakip na ang ila sini nga apo.
Gilayon naman sila nga gindala sa pinakalapit nga ospital para sa attention medical samtang ginpaidalom naman sa kustodiya sang Norala pNP ang driver sang loader truck kag ang iya sini ginamaneho nga salakyan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
