DIPOLOG CITY- Si Mayor Evelyn T. Uy sa dakbayan sa Dipolog mipahigayon sa iyang State of the City Address (SOCA) kagahapon nga gisugdan alas-2 sa hapon nga gipahigayon sa Top Plaza Hotel.Ang nasangpit nga SOCA mao ang ika siyam ug katapusan ni Mayor Uy gumikan kay last term naman kini sa iyang pamunoan. ang maong kalihukan gitambongan sa mga empleyado, bisita ug mga katawhan ning dakbayan.Mapasigarbohon ug dako si Mayor Evelyn Uy nga nibatbat tagsa-tagsa sa iyang mga proyektong nahatag sa mga katawhan sa dakbayan sa Dipolog. Sukad nga ang Pamilyang UY ang nagdumala sa Dipolog ug lalawigan sa Zamboanga del Norte dako na kini ug kausaban ug nakabaton na kini ug tinood nga kalamboan gikan sa pagkahagba niini sa mga imaging administrasyon.Kahinumduman nga usa sa pinaka pobreng lalawigan ang Zamboanga del Norte sa nasod ilalom sa imaging mga namunoan apan nakabangon kini human nahimong Gobernador si Roberto Y. Uy ang bana ni Dipolog City Mayor Evelyn T. Uy.Sa kinatibok-an, mapasalamaton ug dako si Mayor Uy sa tanang katawhan nga nihatag ug dakong suporta sa iyang tulo ka termino isip inahan ning dakbayan sa Dipolog.(JOEY J. SAJOL – DXDR RMN DIPOLOG)
