Mipadangat og dako nga pagsuporta ang dakbayan sa Valencia pinangunahan ni Mayor Azucena P. Huervas ngadto sa Bong Bong Marcos-Sara Duterte (BBM-Sara) Tandem sa umaabot eleksiyon 2022.
Kini atol sa gipahigayong BBM-Sara Caravan sa Bukidnon adtong milabayng Domingo.
Sumala ni Mayor Huervas nga mapasaligon siya nga makuha gayud sa maong tandem ang kinadaghanan nga boto sa dakbayan sa Valencia tungod kay misalig sila sa kapasidad sa maong tandem.
Mipadangat usab og suporta si Valencia City Councilor ug Ex-officio Board Member Oliver Owen Garcia ngadto sa BBM-Sara Tandem.
Anaa sa maong Caravan si Sandro Marcos, ang anak ni Presidential Aspirant Sen. Bong Bong Marcos samtang napakyas nga makauban si Davao City Vice Mayor Baste Duterte gumikan sa pipila ka kapulia.
Apan mipasalig si Bong Bong Marcos, pinaagi kang Sandro Marcos nga makabisita na sila kauban si Mayor Sara Duterte sa Bukidnon sa sunod nga higayon nga mubalik ang BBM-Sara Caravan.
Mapasalamaton usab si Sandro ngadto sa katawhan sa Bukidnon sa mainitong pagdawat kanila.
