Davao City – Sayo pa alang kang Mayor Inday Sara Duterte-Carpio aron hisgutan ang pamahayag sa iyang amahan nga si Presidente Rodrigo Duterte sa posibilidad nga siya maoy angay mahimong sunod nga pangulo sa nasud sa 2022.
Atol sa pagkuha og driver’s license nga dunay 5 year validity sa buhatan sa LTO 11 sa mayor karong adlawa, nagdumili una kini og tubag labot sa kumento ni PRRD kay sayo pa kuno aron hisgutan ang politika ning panahona.
“Dili sa nato na istoryahan oy kay daghan pa kayo ta’g kinahanglan buhaton. Daghan man diha, motan-aw sa sila sa lain na mga possible candidates before sila motan-aw sakoa, motan-aw sa sila sa laing tawo” segun sa mayor.
Nag-ugat ang tubag ni Mayor Inday Sara sa giluwatang istorya ni PRRD atol sa media night sa Matina Enclaves sa miaging Biyernes sa gabii nga buot niini ang iyang anak ang musunod kaniya sa musunod sa gahom human sa iyang termino.
RadyoMan Joel Viray
