Davao City- Mitunol og food ug financial assistance si Davao City Mayor Inday Sara Duterte-Carpio ngadto sa mga naapektohan sa bagyong Vinta partikular sa mga residente nga nakapuyo sa Barangay Guamalang, Barangay Lacson, Barangay Dacudado, ug Barangay Pangyan ganinang buntag.
Ang mga pamilya nakadawat og 3,000 ngadto 10, 000 pesos depende sa kung unsa ka dako ang damyos sa ilang mga panimalay.
Base sa datos sa Davao City Social Services and Development Office, adunay 22, 911 ka mga pamilya ang naapektohan sa maong bagyo.
Ugmang adlawa, bisitahon usab sa mayor ang uban pang kabarangayan sa dakbayan nga labing naapektohan sa bagyong Vinta hinungdan nga mideklara ang lokal nga panggamhanan og State of Calamity sa 25 ka mga barangay dinhi sa syudad.
Gumikan sa maong bagyo, miabot og 80 million pesos ang natalang damyos sa inprastruktura ug agrikultura sa Davao City.
RadyoMaN Abi Bibera
