Davao City – Nangomedya si Davao City Mayor Inday Sara Duterte-Carpio bahin sa daganan niini nga position sa midterm elections sunod tuig.
Sa gilusad nga event sa Tapang at Malasakit alliance sa RDR Gym sa Davao del Norte Sports and Tourism Center sa Tagum City kaganina, naay komedya nga pasumbingay ang alkalde nga mudagan sa national position.
Apan giklaro ni Mayor Inday nga walay siyay plano nga mudagan sa national position tungod prayoridad niya ang lugar nga serbisyohan kung asa siya nagpuyo.
Samtang gi-awhag niya ang kapin dos mil ka mga Brgy ug SK candidates gikan sa 223 ka mga barangay sa Davao del Norte nga himuong hapsay ug malinawon ang eleksyon.
Gipahinumduman sa mayor ang mga kandidato nga dili manikas tungod matud niini walay dignididad ang usa ka kandidato kung nahibal-an nga midaog lang sa eleksyon tungod sa pagpanikas.
RadyoMaN Renz Barbarona
