Davao City – Pag-ampo ang unang ginabuhat sa pagprepara ug sa pag-take sa exam sa nahimong Top 3 sa 2017 Bar Examinations.
Kini ang gibutyag ni Camille Remoroza gikan sa Ateneo de Davao University (ADDU) nga nahimong Top 3 adunay average nga 90.7% sa bag-uhay lang gipagula nga resulta sa 2017 Bar Examinations.
Sa gihimong press conference sa ADDU kabahin sa iyang pag top 3, gibutyag ni Atty. Remoroza nga ginasugdan niya ang iyang adlaw sa pag-ampo ilabi na atol sa pagtake sa bar exam.
Sumala niya nga usa ka milagro ang iyang pagpasar gani mapasalamaton siya sa iyang pamilya, mga higala ug sa tanang misuporta kaniya.
“Passing the bar is a big blessing from God. Actually topping is just a cherry on top of the cake, finishing the bar exam was already a good thing, passing is of course the goal of everyone,” sigun ni Atty. Remoroza.
Dugang niini, iyaha usab gisaysay ang iyang gihimo nga preperasyon sa pag-take og bar exam sa miaging tuig.
“I think the best preparation sa bar exam is that you have to establish a routine and have discipline,” saysay ni Atty. Remoroza.
Sa kasamtangan, nagtrabaho isip Senior Administrative Assistant sa Office of the Ombudsman si Atty. Remoroza ug matud pa nga magpadayon gihapon kini sa iyang trabaho sa nasangpit nga opisina bisan na-abogado na kini.
Kahinumduman nga sa miaging tuig, nag top 5 si Atty. Justin Ryan D. Morilla nga gikan gihapon sa ADDU gani gibutyag ni Atty. Remoroza nga bestfriend niya si Morilla nga mihatag og inspirasyon kaniya nga tinguhaon nga mag top sa maong exam.
Samtang ania ang kumpletong listahan sa top 10 passers 2017 Bar Examinations:
1. Simonda, Mark John H. – University of St. La Salle – 91.0%
2. Balili, Christianne Mae C. – University of San Carlos — 90.8%
3. Remoroza, Camille B. – Ateneo de Davao University – 90.7%
4. Hisoler, Ivanne D’laureil I. – University of San Carlos – 89.55%
5. Yap, Monica Anne T. – San Beda College – Manila – 89.45%
6. Gayya, Lorenzo Luigi T. – University of Sto. Tomas – 89.1%
7. Servacio, Rheland S. – University of San Carlos – 89%
8. Alcantara-Bagni, Krizza Fe P. – St. Mary’s University – 88.9%
Mariacos, Algie Kwillon B. – San Beda College – Manila – 88.9%
9. Torralba, Klinton M. – University of Sto. Tomas – 88.65%
10. Aguilar, Emma Ruby J. – University of Sto. Tomas – 88.4%
RadyoMaN Renz Barbarona
