Mayor Inday: Walay 2 months nga lockdown

59

Davao City – Gitin-aw ni Davao City Mayor Sara Duterte-Carpio nga walay mahitabong 2 months lockdown sa Davao City.

Kini ang giingon sa alkalde subay sa mga nanggawas nga storya bahin sa nahisgutan.


“Wala tay 2 months nga lockdown because we cannot afford nga mag two months lockdown. Although naay mga tao nga kayahon nila nga 2 months dili mogawas sa ilang balay, mas daghan ang mga tao nga dili pwede mag 2 months lockdown,” segun ni Mayor Inday.

Nakatutok sa pagdumala sa mga kaso sa COVID-19 ang syudad pinaagi sa pagpangita sa mga na-expose nga mga tawo sa positibo sa COVID-19 ug pag-test kanila samtang walay bakuna.

“Ang maayo gani karon kay naay mas paspas nga testing, kaniadto dugay kaayo 7-8 days. Karon medyo paspas na, 2-3 days na lang and kung madungagan na nato ang atoang testing center, mas paspas na pa gyud na nga mogawas ang result,” dugang sa mayor.

Matud pa nga kung moabot sa punto nga daghang mamatay tungod sa virus, giandam na sa City Government of Davao ang cremation ug mass grave.

RadyoMaN Aimee Guinita




Facebook Comments