Online transaction sa Davao de Oro capitol gipakusgan

Davao de Oro – Gipalig-on sa kagamhanang probinsya sa Davao de Oro ang paghatod og serbisyo sa katawhan pinaagi sa Davao de Oro iPORTAL (DDO iPORTAL) luyo sa nagpadayong hulga sa COVID-19.

Gitanyag sa Davao de Oro iPORTAL (DDO iPORTAL) ngadto sa katawhan ang serbisyong online nga walay bayad pinaagi sa social media nga naglangkob sa Electronic Services, Bayanihan Efforts, Serbisyo Oro Mismo, Emergency Hotline, Call the Doctor, Government Orders, Online Palengke, Online Bagsakan ug Tourism Investments.

Sumala sa report gikan sa Provincial Local Goverment Unit (PLGU) Davao de Oro, dili na kinahanglan personal nga mobisita sa kapitolyo sa higayon dunay transaction sanglit pwede na maangkon ang serbisyong gikinahanglan pinaagi sa online, kansang tumong aron mapadali ang transaksyon ug mamintina ang social distancing diha sa mga buhatan sa gobyerno.


RadyoMaN Jules Catisay

Facebook Comments