Syudad sang Iloilo-Nagapabilin nga ara sa luwas sang pungsod si Mayor Jed Patrick Mabilog.
Subong man indi makahatag sang detalye ang iya spokesman nga si Atty. Mark Piad kun diin sa karon ang alkalde.
“Abroad s’ya nindi pa ako ugaling makakumpermar kay ara pa kami sa proseso sang pag communicate sa iya,” ang siling ni Piad.
Ginpahayag ni Piad nga kun makapakig-angut sa ila ang alkalde hambalan nila kun ano ang plano kag magahimo sang assessment angut sa pamahog sa kabuhi sini.
Sa karon ginahulat pa nila an gang desisyon ni Mabilog kun san-o ini magapauli sa Iloilo.
Una nga nagbyahe sa Japan si Mabilog agud magtambong sa isa ka disaster training kag forum nga sponsored sang CityNet Yokoham kag nagdiretso ini sa Melaka, Malaysia agud magtambong sa summit sang Urban Environmental Accord kag ipresentar ang success story sang pagtinlo sang Iloilo river.
