Liwat naman nga ginsulit ni Mayor Jed Patrick Mabilog ang iya panawagan sa mga Barangay officials ilabi na ang mga Punong Barangay nga involve sa Illegal nga druga.
Suno kay Mabilog nga kon sin-o man nga Barangay officials nga may kahilabtanan sa Illegal nga Druga ang dapat nga magsurrender na kag isumiter ang ila kaugalingon sa rehabilitation program kag mag-untat na sa ilegal nga buluhaton.
Ginpat-od sang alkalde nga wala sang sin-o man nga opisyal sang barangay ang exempted sa kampanya kontra druga kag kon magpadayon ang mga ini sa ila ilegal nga buluhaton, mangin subject sila sang oplan tokhang sa idalum sang Tokhang reboot program sang PNP.
Nahibaluan nga may 10 pa ka mga barangay kapitan sa siyudad sang Iloilo ang yara sa listahan sang ICPO kag PDEA magluwas pa sa duha ka Punong barangay nga nadakpan sa buy bust operation nga sanday PB Jolly Peñasales sang Barangay Rizal, Lapaz kag PB Dominador Deocampo sang Tanza Baybay, City proper. (sspunay)
