ILOILO CITY – Magasulat si Mayor Jed Patrick Mabilog sa City Council agud iduso ang pagpasaka sang administrative case batok kanday Rizal La Paz Punong Barangay Jolly Peñasales kag Tanza Baybay Punong Barangay Dominador Deocampo nga nadakpan sa buybust operations.
Suno sa alkalde maGluwas sa ombudsman, ara sa poder sang city council ang pagpasaka sang administrative complaint sa mga opisyal sang barangay.
Pahayag sang alkalde ang pagkadakop sang duha ka mga punong barangays kabahin sang ginpasangkad pa nga anti-illegal drug campaign sang kapulisan.
Nahibaluan nga nagahatag sang reimbursement ang syudad sa kagastuhanan sang kapulisan kag PDEA sa madinalag-on nga anti-drug kag criminality operations.
