ILOILO – Sunod-sunod nga kaso sang pagpang-ransak sa mga balay sa Savannah subdivision ang natabu kag pinakaulihi diri nga nabiktima ang balay ni Joann Rosauro.
Suno kay Rosauro nga wala sang tawo ang ila balay sang ginsulod sang mga kawatan kag ginpangkuha ang ila mga kagamitan kasubong sang TV, speakers, cellphones, sapatos, kag iban pa.
Ginpahayag sini nga natukiban nila ang pag-ransack sang ila balay sang alas 5:30 sang nakaligad nga Sabado sang kaagahon matapos iya ginpakadtuan sa iya iloy.
Suno pa kay Rosauro nga wala gid sang ginhimo nga aksyon ang management sang Savannah angut sa natabu bisan pa nga nahibaluan na nila nga may ginransack nga balay matapos makita ang ila rice cooker kag gindala sa opisina sang subdivision.
