Mayor Jed Patrick Mabilog, Nagasalamat kay Presidente Rodrigo Duterte nga na-notaran sini ang pagtinguha sang Siyudad sang Iloilo sa pagtapna sang Illegal nga druga.

Nagapasalamat si Mayor Jed Patrick Mabilog kay Pangulong Rodrigo Duterte nga nanotaran na sini ang paghagan-hagan sang Illegal nga Druga sa siyudad sang Iloilo.
Ini ang reaksyon ni Mayor Mabilog matapos namitlangan sang Presidente sang nakaligad nga Lunes sa pag-atubang sini sa mga katapo sang Media sa Malakanyang nga indi na masyado lapnagon ang druga sa siyudad.
Suno kay Mabilog nga posible resulta ini sang positibo nga mga reports nga nagalab-ot sa Presidente angut sa pagtinguha sang siyudad pinaagi sa pagbulig sa mga pulis kag PDEA sa kampanya kontra druga.
Bangud sini, nalipay ang alkalde kag bisan paano nakaginhawa ini sang halog matapos gintawag ni Duterte nga Most shabulized city kag bed rock of illegal drugs ang iloilo.(sspunay)

Facebook Comments