Mayor Jed Patrick Mabilog nagpanawagan sang paghugpong sa mga Ilonggo sa pagbukas sang 80th charter day celebration

56

ILOILO CITY – Nagpanawagan sang pag-isa si Mayor Jed Patrick Mabilog sa mga Ilonggo.

Ginhimo sang alkalde ang panawagan sa iya speech sa opening sang 80th charter day celebration kahapon sang aga sa Iloilo City Hall.

Suno kay Mabilog sa nakalipas nga 80 ka tuig nangin talalupangdaon kag halandumon ang mga matahum nga pag-uswag sang syudad.

Subong man gin-ako sang alkalde nga madamo pa ang dapat himuon.

Pahayag sang alkalde kinahanglan ang kooperasyon kag collaboration agud malambot ang handum nga mangin premier SMART city of excellence ang Iloilo.

Ang SMART nagakahulugan sang Services, Manufacturing and Agri-business, Arts and Culture, Research, and Technology and Tourism nga amo ang potential sang syudad sang Iloilo.

Sa pagsunod sang pulitika nga nabase sa morally right kag indi sa politically correct nagapati ang alkalde nga malambot ini nga handum.

Kahapon ginsuguran na ang 40-day charter anniversary celebration nga magatapos sa highlight sa Agosto 25 nga isa ka special non-working holiday.

Facebook Comments