Nagpaandam karon si Mayor AJoe Espinosa III sa mga negosyante sa siyudad nga indi basta-basta magsalig sa mga nagapanawag sa ila kag nagapangayo sang kuwarta gamit ang iya ngalan.
Ginhmo ni Espinosa ang paandam matapos isa ka Hotel sa siyudad sang Iloilo ang gin-alegar gintawgan sang nagapakilala nga si Mayor Espinosa nga akig kag nagademand sang kuwarta.
Subong man, sang nagbisita sa City hall ang mga staff sang hotel kag nakigkita kay Espinosa, ginpahayag sang alkalde nga wala ini kapanawag kag indi niya hilimuon ang manawag kag mangayo sang kuwarta sa mga negosyante bangud lapas ini sa kasuguan.
Bangud sini, ginpanugyan sang alkalde sa mga negosyante nga magtawag gid anay sa City hall kag magpamangkot kon makabaton sang kasubong nga tawag sa telepono.
Gin-warningan man ni Espinosa ang mga tawo nga nagagamit sang iya ngalan sa pagpanunto nga untatan na ang ginahimo bangud pagakasuhan ang mga ini kon madakpan.
Ginpalab-ot naman ni mayor Espinosa sa NBI ang nasambit nga kaso agud ma-trace kag madakpan ang nagahimu sangh nasambit nga modus.
