Handa ang Panay Elecrtric Company ukon PECO nga sabton ang mga reklamo batuk sa ila sa tion sang hearing sa Committee on Energy sang Kamara angut sa ila application para sa renewal sang franchise.
Ini ang ginpahayag ni Mikel Afzelius, Public Information Officer sang Peco.
Suno kay Afzelius nga dapat lamang nga sabton nila kon may yara gid man sang mga reklamo ang ila mga konsumidor angut sa ila serbisyo.
Nahibaluan nga sa 2019 pa ang renewal sang franchise sang PECO apang subong pa lamang ginahikot na nila bangud kinahanglan pa ang hearing sa kamara kag senado para sa approval sang ila panibnag-o nga prangkisa.
Una diri, luyag pamatukan sang City council ang renewal sang Franchise sang Peco bangud sa madamo nga mga reklamo sang mga konsumidor ilabi na sa billing nga gulpi lamang nagatimbuok sang pila ka pilu.
