Magapasaka sang kaso administratibo sa Office of the Ombudsman si anay Provincial Administrator Manuel Mejorada batuk kay Mayor Joe Espinosa III.
Ini may kaangtanan sa padayon nga pagpakatig-a ni Espinosa nga kakason ang mga kiosko sa dalan sa palibot sang Jaro Plaza apisar wala sang ordinansa gikan sa City Council.
Ginpamilit ni Mejorada nga lapas sa kasuguan ang ginhimo ni Espinosa nga pagpasira sang bahin sang dalan nga nagatuga sang sablag sa trapiko.
Ginhatagan pagtamod ni Mejorada nga maathag nga wala sang balasehan ang pagpasirado kag pagbutang sang kiosko sa dalan sa palibot sang plaza bangud wala man ini nasulat sa Executive order sang alkalde.
Suno sa iya nga iya anay tipunon ang tanan nga dokumento kag mga ebedensya antis niya ipasaka ang kaso sa Ombudsman pagkatapos sang Dinagyang Festival.
