General Santos City–Gikumperma ni PDEA 12 Director Gil Castro nga si Mayor Jojo Lopez sa Maasim ang leader sa pinakadako nga drug group sa rehiyon nga mao ang El Patron drug group nga naga-operate kinatibuk-ang Region 12.
Sumala pa ni Dir. Gil Castro nga kaubanan matud pa ni Mayor Lopez ang una nang dinakpan sa PDEA nga mga drug lord usa nga silang Michelle Allaga nga naga operate sa Gensan, Balong Espenosa nga naga operate sa South Cotabato.
Sa Sarangani si Mayor Lopez ang nag silbi usab isip leader sa grupo nga maoy gina bagsakan sa droga nga naggikan sa new bilibid prison.
Dugang pa ni castro nga ang mga nasangpit ang nagagamit matud pa ug lihitimo nga negosyo aron nga itago usab ang iligal nga binuhatan apan pinaagi sa makuting pagsuta sa mga personahe sa pdea 12 ilang nabisto ang iligal nga binuhatan sa mga nasangpit kini human nga wala matud pa nagtakdo ang kita sa ilahang mga negosyo sa kadako sa ilahang kabtangan.
Kahinumduman nga nakuhaan ug 1 ka kilong gikatahapang shabu, mga Ecstasy, armas, bala ug eksplosibo ang balay sa mayor atol sa ronda nga gihimo sa PDEA, kapulisan ug militar. (Dave Silagan)
