Mayor Jose Espinosa III desidido nga mag-appoint sang kaugalingon nga board of directors sa MIWD

ILOILO City – Liwat ginpahayag ni Mayor Jose Espinosa III nga desidido sya nga mag-appoint sang board of directors (BOD) sa Metro Iloilo Water District (MIWD).

Suno sa alkalde desidido sya nga ipatuman ang desisyon sang korte suprema nga nagabalik sang poder sa city mayor nga mag-appoint sang board apisar nga wala malambot ang 75% nga service connections.

Paathag sang alkalde nga sundon niya ang ginhimo sang Tacloban nga nag-appoint na sang ila BOD kag ginconfirm man sang Local Water Utilities Administration ukon LWUA.

Subong man ginpaathag sang alkalde nga ginahulat na niya ang kabug-usan nga detalye sang tikang nga ginhimo sang LGU sang Tacloban agud wala na sang sablag ang iya pagahimuon.

Photo via Iloilo City Government