ILOILO City – Gin-ako ni mayor Jose Espinosa III nga naglain ang iya buot sa pagbawi ni congressman Jerry Treñas sang suporta sa iya.
Suno kay Espinosa ginpasalig sya ni Treñas nga suportahan ini sa pagkaalkalde apang nagbag-o ang huyop sang hangin sang ulihi.
Paathag ni Espinosa nga nasubuan sya nga nagdesisyon ang iya bilas nga magpadalagan aklade matapos makumpleto na niya ang term sa pagkacongresista.
Samtang ginaganyat man ni Espinosa nga magpadalagan upod sa iya ang anak ni Treñas nga si Carlo sa pagkakongresista.
Matandaan nga antes nakakas sa serbisyo si Mayor Jed Patrick Mabilog nahambalan na nga si Espinosa na ang masunod nga alkalde sang syudad.
Nagbag-o lang ang tanan sang nagdesisyon si Treñas nga magpadalagan sa pagkaalkalde sang syudad. /// report via Joel Franco
Photo from web
