Roxas City, Capiz- Nangin malinong sa pangkabug-osan ang selebrasyon sang kapistahan ni San Juan de Bautista sa bilog nga probinsya sang Capiz.
Suno kay Aksyon Tabang PDRRMO Officer Mr. Speed Pelaez, bangod sa masangkaron nga monitoring kag koordinasiyon sang mga nagkatuhay nga mga responders kag mga local MDRRMOs sa bilog nga Capiz, zero casualty ang nasambitan nga kahiwatan.
Suno diri nga sa kinaandan, gindugok sang publiko ang mga baybayon kag pila sa mga nagapanguna nga destinasyon sa Capiz kapareho sang Suhot cave sa Dumalag, Basiao beach sa Ivisan, Ayagao kag Baybay beach sa Roxas City kag iban pa nga mga lugar.
Nangin epektibo man suno diri ang deployment sang mga responders sa tagsa ka area samtang nagtan-ay man ang mga ini sang blood pressure check-up sa publiko.
