General Santos City— gibalhin na ngadto sa Sarangani Provincial Jail si Maasim Mayor Anecito Lopez Jr. kagahapong adlawa. Kini ang una nang gikumperma sa PDEA regional Office-12.
Nasayran nga nagpagawas gilayon ug commitment order ang korte human gipailawom sa Inquest Proceeding sa piskalye niadtong Lunes ang mayor gumikan sa kasong paglapas sa R.A 9165 tungod sa shabu nga narekober sa panimalay niini ug R.A 10591 gumikan sa eksplosibo ug mga armas.
Atol sa pagbalhin sa mayor ngadto sa Sarangani Provincial Jail, hugot nga siguridad ang gipatuman sa kapulisan, militar ug sa PDEA-12.
Si Mayor Lopez ang una nang giakusahan sa PDEA nga lider sa El Patron drug group ug protector matud pa sa Ansar Al Khilafa Philippines kansa hugtanon usab nga gihimakak sa pamilyang Lopez.
