Angay lang nga suportahan ang sugyot balaodnon ni Senate President Pro Tempore Ralph Recto sa senado nga dili na himoong evacuation center ang mga tunghaan.
Kini ang gibutyag ni City Mayor Oscar Moreno. Matud ni Mayor Moreno nga sa kasamtangan aduna nay evacuation multi purpose project ang syudad ug didto kini gipahimutang sa Barangay Tablon ug Calaanan, Canitoan ning dakbayan.
Dugang pa ni Mayor Moreno nga maayo kini nga sugyot ug nanghinaut siya nga suportahan kini sa senado ug kongreso.
Samtang dili malikayan nga daghang area sa tibuok nasud ang anaa sa flood zone.
Gani sa Misamis Oriental ubay-ubay sa mga areas ang delikado sa kalamidad sama sa pagbaha ug landslide.
Tungod niini, nanghinaut si City Mayor Oscar Moreno nga mamaayo kini pagkatuman ug dili mahimong sama sa usa ka basketbolan ang itukod nga evacuation centers.
