Nahulog sa “amicable settlement” ang mga membro sa KAPA Community Ministry International didto sa Bislig city, Surigao del Sur human gipangbayran tanan ni Pastor Joel Apolinario.
Kini ang gibutyag ni Mayor Librado Navarro sa interview sa RMN DXBC Butuan, sa dihang gipasiatab ni Pastor Apolinario nga walay bisan usa nga iyang membro ang nagreklamo.
Nasabtan ni Mayor Navarro nganong misibog sa kaso ang mga nagreklamo batok sa KAPA kay gumikan sa kakabus walay ikagasto sa pagpasaka ug kaso ug kalipay na nila kung mabayran alang sa “amicable settlement”.
Nanawagan si Mayor Navarro sa tanang mga ahensya sa goberno nga magtinabangay aron mapahunong ang operasyon sa KAPA ingun man unta makasabot ang katawhan nga usa gyud nga investment scam ang operasyon ni Pastor Apolinario.
Si Bislig city Mayor Librado Navarro sa iyang pamahayag sa interview sa RMN DXBC Butuan. Local news:
