General Santos City–Gipaniguro ni Gensan City Mayor Ronel Rivera nga magpadayon gihapon ang paghatag og tabang sa lokal nga gobyerno sa mga apektadong katawhan.
Gipasabot usab sa mayor kung nganong limitado og dili pareho ang kadaghan sa bugas nga ginahatag sa matag pamilya.
Nagadepende matud pa kini sa kapasidad sa barangay og sa gidaghanon sa suplay.
Matud ni Mayor Rivera nga sama gihapon sa city government dunay mga higayon nga limitado lang ang suplay sa bugas nga pwedeng maapud-apod.
Gumikan niini ginapangitaan og paagi nga mapa-igo kini og maapud sa tananag barangay.
Gitin-aw usab ni Mayor Rivera nga ginasiguro usab sa gobyerno nga mahatagan kadtong mga labihang tabangunon ilabi na ang mga walay trabaho.
Apan kadtong mga kayang makakaon ug dunay income bisan sa ginapatumang community quarantine magdepende na sa barangay kung sila mahatagan.(Jordan Britos)
