General Santos City–gitin-aw ni Gensan City Mayor Ronnel Rivera nga dako kaayo ug kawad-on sa mga kabus ang pagpasirado ni Pangulong Rodrigo Duterte sa tanang operasyon sa PCSO gumikan kay dili na makahatag ug tabang ang maong ahensiya sa mga tawo nga nanginahanglan ug tabang sa pambayad sa ospital ug uban pa.
Apan gipaniguro man usab ni Mayor Rivera nga bisan pa man nga dili na makahatag ug tabang ang PCSO sa mga tawong nagkinahanglan ug tabang gumikan sa nahitabo andam matud pa ang lokal nga panggamhanan nga motabang sa mga tawo pinaagi sa programang Amping nga ang tumong mao ang pagatabang sa katawhan.
Gipaklaro usab sa mayor nga dunay gihatag ang PCSO nga 5 milyon sa Malasakit Center aron itabang sa katawhan nga walay ikabayad sa ospital ug gawas pa niini nagahatag usab ang maong ahensiya ug tabang adalaw-adlaw apan sa nahitabon pagpasirado sa pangulo maundang ang maong tabang .
