General Santos City–Aminado si Gensan City Mayor Ronnel Rivera nga nagkataas gyud ang ihap sa mga nagpositibo sa covid 19 sa Gensan apan giklaro niya nga pabiling manageable ang sistwasyon gumikan sa sistemang ginahimo karon sa lokal nga panggamhanan.
Sumala niini nga gikinahanglan pa nga pakusgan gyud ang contact tracing ingon man ang testing capability sa syudad. Subay sa uwaheng IATF meeting adunay igong isolation facility ang Gensan. Samtang gi-angkon ni Mayor Rivera nga nagkataas gyud ang ihap sa covid 19 related death sa syudad, kung asa higayon matud pa nga dunay mga comorbidity ang mga nag-positibo, aduna gyu’y taas nga tsansa nga mahimong severe ang usa ka pasyente.
Hinuon gibutyag sa Mayor nga bisan ug nagkataas ang kaso sa covid sa Gensan, adunay mga maayong lakang ang lokal nga panggamhanan aron nga dili magpadayon ang pagsaka sa kaso.
Nakita na matud pa sa DOH ang pag-contain sa Gensan sa virus, apan gikinahanglan gihapon nga ma-improve ang tanang measures nga ginapatuman sa syudad. Aminado man usab ang Mayor nga sa karon, sagad sa mga naga-positibo mao ang mga frontliners ug essential workers kini subay na usab sa datus sa CHO sa Gensan. (CDS)
