General Santos City— Suportado ni Gensan City Mayor Ronnel Rivera nga direktibang gipakanaug sa Police Regional Office 12 nga dasigon ang kapulisan sa pagpahigayon ug operasyon batok sa unsa mang illegal nga aktibidad.
Sumala niya nga pinaagi sa maong direktiba dili gyud matulog ang kapulisan gumikan kung basihan ang datus sa dakbayan sa gensan mubo ang mga nasulbad kung itandi sa kaso sa kriminalidad.
Pagpaklaro niini nga ginapun-an man sa national ug lokal nga panggamhanan ang kakulangan sa kapulisan sama nalang sa resources nga patrol cars.
Dili man usab kumbinsido si Mayor Rivera Nga adunay ginahimong illegal ang kapulisan sa pagpahigayon ug operasyon sa illegal nga droga. Busa siya positibo nga pinaagi sa maong direktiba ni Police Chief Superintendent Eliseo Rasco mas madasig ang kapulisan nga mag-trabaho.
Panghinaut man usab niini nga pinaagi sa maong kamanduan, mahatagan ug kasulbaran ang tanang krimen sa dakbayan hilabina ang mga hinimuan sa riding in tandem.
