General Santos City— Giangkon ni Gensan City Mayor Ronnel nga tungod adunay mga coastal barangays sa rehiyon, dili gyud imposible ang mga bahad hilabina sa siguridad.
Pamahayag niya nga sayon ra gyud nga masudlan ang dakbayan hilabina nga duol sa uban nasud ug ginahimo kining back door sa mga langyaw aron illegal nga makasulod.
Apan gipaniguro niini nga ang lokal ug nasyunal nga panggamhanan ang nagatibangay pinaagi sa mga law enforcement unit. Dugang pamahayag ni Mayor Rivera nga gumikan nagpabilin sa martial law ang Mindanao, anaa lang sa alert level 2 ug 3 siguridad sa Mindanao.
Pag-angkon niya nga tungod sa nahitabo sa syudad sa Koronadal, iyahang gideklarang alert level 3 ang dakbayan sa Gensan kini aron nga mas pahugtan sa kapulisan ug militar ang pagbantay sa siguridad.
Gi-awhag man usab niini ang katawhan nga tabangan ang otoridad sa pagbantay sa siguridad busa iyahang gina-awhag nga padayon ang pagmonitor sa palibot.
