General Santos City— Giangkon ni Gensan City Mayor Ronnel Rivera nga dugay na niyang nadunggan ang sumala pa 8.7 billion nga road right of way scam sa dakbayan sa gensan panahon pa sa milabay’ng administrasyon.
Apan iyahang gibutyag nga dili man lambigit ang lokal nga panggamhanan sa dakbayan gumikan ang budget ang gikan man sa national pinaagi sa Department of Public Works and Hi-ways.
Pagpaklaro ni Mayor Rivera nga wala pa siya’y specific nga lugar nga nasayran nga gika-ingong scam apan posible matud pa nga ang dalan gikan sa makar padulong na polomolok.
Dugang pamahayag sa mayor nga kinahanglan nga imbestigahan ang maong kaso gumikan kwarta matud pa sa katawhan ang lambigit niini ug bisan siya ang dili gusto nga maadto lang sa bulsa sa pipila ka mga kurakot nga mga tawo.
Sumala niya nga muagi usab ang maong proyekto sa City Assessor’s Office gumikan kini nga ahensya maoy mag-assess sa kantidad sa yuta nga bayaran sa gobyerno.
Sa karon matud pa, wala pa siya’y plano nga ipatawag si Bong Dinopol, ang labaw sa City Assessor’s Office gumikan wala pa mna usab siya’y communication gikan sa national, Department Of Justice man o National Bureau of Iinvestigation nga naga-direkta nga magpahigayon ug imbestigasyon kabahin sa maong isyu.
