General Santos City— Anad na ang rehiyon sa mga marekober nga Improvised Explosive Device kon IED. Kini ang gibutyag ni Gensan City Mayor Ronnel Rivera.
Sumala niya nga makonsidera kinig hagit alang sa mga syudad sa Mindanao gumikan maka-apekto matud pa kini sa ekonomiya hilabi na nga usa kini ka dakong bahad sa siguridad.
Panghinaut man usab niya nga dili maka-abot sa dakbayan ang susamang insidente kung asa ilaha matud pang ginahimo ang tanan aron nga ma-proteksyunan ang katawhan.
Dugang pamahayag ni Mayor Rivera nga sa karon nagpabilin gihapon ang alert level 3 sa dakabyan kung asa wala pa niya gipanaug. Pagpaklaro niya nga ginahimo sa kapulisan ug militar ang ilahang trabaho aron nga ma-protektahan ang katawhan ug dili malutsan ang syudad.
Apan iyahang gibutyag nga dili gyud maangkon ang kalinaw sa dakbayan kung wala ang tabang sa tanang sektor.
