Mayor Rivera giangkong naalarma sa sunod-sunod nga patay sa Gensan

19

General Santos City—- Giangkon ni Gensan City Mayor Ronnel Rivera nga iyahang gika-alarma ang sunod-sunod nga mga pagpamusil-patay sa dakbayan kung asa mukabat na sa 23 ang naitalang pagpamusil gikan Enero hangtud na Abril 11.

Sumala niya nga gawas sa imbestigasyon nga ginahimo sa kapulisan, aduna na usab kaugalingon imbestigasyon nga ginahimo ang lokal nga panggamhanan alang sa mas paspas nga pagsulbad sa mga krimen.

Dugang pamahayag ni Mayor Rivera nga adunay susamang pattern ang nahimong mga pagpamusil sama nalang sa duha ka kaso kung asa bag-uhay lang nakagawas sa prisuhan ang mga biktima dihang gipamusil sa mga wala mailhing suspek.

Dako man usab ang pagtuo sa Mayor nga dili lang away sa illegal nga droga ang hinungdan sa patay gumikan sagad sa mga lambigit niini ang miundang na dihang milingkod si Presidente Rodrigo Duterte.

Facebook Comments