General Santos City— Gipaabot pa ni Gensan City Mayor Ronnel Rivera ang position paper sa PCSO bahin sa padayong operasyon sa small town lottery sa dakbayan.
Kini aron makapahigayon na ug concurrence sa hawanan sa konseho.
Pamanayag ni Mayor Rivera nga dili mamahimong maghimo suhestyon ang city mayor’s office bahin sa maong hisgutanan gumikan gikinahanglan gyud ang aplikasyon sa PCSO.
Apan basi matud pa sa pamahayag ni Atty. Arnel Zapatos nga gikinahanglan pang i-refer ngadto sa legal team PCSO ang maong butang gumikan dili maka-desisyon ang ilahang lokalnga buhatan.
Giangkon man usab ni Mayor Rivera nga nabutang gyud sa alanganin ang kapulisan gumikan sa operasyon sa STL kung asa adunay R.A 9649 nga ginapatuman ang dakbayan ug sa balaud sa PCSO.
Pagpaklaro man usab niini nga wala niya nagustuhan ang sitwasyon karon ni Col. Berango nga daw sa naipit sa duha ka mga balaud rason nga ilaha kining ginasulbad uban angPCSO.
Pamahayag ni Mayor Rivera nga iyaha ng gihatagan ug direktiba si Col. Berango nga dili una maghimo ug unsa mang lakang batok STL hangtud nga wala pa niya nahuptan ang position paper sa PCSO.
Dugang pagbutyag niini nga nakig-istorya na usab si Col. Berango sa PCSO. Kini aron nga matun-an usab ang balaud bahin sa operasyon sa small town loterry sa dakbayan.
Gibutyag ni Mayor Rivera nga isip labaw sa kapulisan sa Gensan, sa mayor gyud kini mangayo ug clearance sa iyahang mga aksyon batok illegal nga sugal.
Apan, kung dili matud pa niini mahuwat ang desisyon sa mayor, mamahimo man siyang muadto sa korte aron nga maklaruhan kung si kinsa ang angayan niining tumanon.
