General Santos City—Gihan-ay na karon sa buhatan ni Gensan Mayor Ronel Rivera ang iyahang kongkreto nga programa aron nga mapagkang ang nagka grabi nga problema sa “Batang Sukarap” sa syudad.
Sumala pa ni Mayor Ronnel Rivera nga iya nang gimanduan ang mga Chief Of Police sa syudad nga han-ayon ang Purok Laban Sa Krimen kansa makatabang matud pa sa pagbantay sa tagsa-tagsa ka mga lugar aron nga malikayan ang pag tapok sa mga sukarap.
Pinaagi matud pa niini malikayan ang Rumble o riot nga posibling himuon sa mga nasangpit nga grupo.
Samtang hugot usab ang direktiba niini ngadto sa kapulisan nga sulbaron ang maong problema inabagan sa Barangay Officials ug mga personahe gikan sa CSWDO aron nga makunhuran o maundang na ang mga krimen nga gikalambigitan sa mga kabataan. (Dave Silagan)
