General Santos City— Gihingusgan ni Gensan City Mayor Ronnel Rivera nga ilahang ginapaminawan ang mga yango-ngo sa managlahing sektor sa transportasyon apan gibutyag niini nga dili pwedeng magpa-ulahi ang Gensan sa paghatag ug maayong serbisyo sa katawhan hilabi na sa transportasyon.
Sumala niya nga kung aduna may ipatuman nga mga kabag-uhan, kinahanglan kini ang aprubado sa mga stakeholders ug sector sa transportasyon aron masayran kung sakto ang mga lakang nga ginahimo sa lokal nga panggamhanan.
Apan gipaklaro sa mayor nga unsa man ang mga kabag-uhan, mas kinahaganlan ug angayan nga unahon ang kaayuhan sa riding public.
Gipasabot man usab ni Mayor Rivera nga ang Department of Science and Technology kon DOST ang dili man departamento sa transpostayon aron nga pahibaluon sa kahimtang sa tranpostasyon sa dakbayan, gumikan usa kini ka ahensya kung asa adunay mga pagtuon nga ginahimo aron mapalambo pa ang mga himan sa nasud.
Rason nga pinaagi sa pagtugot sa road train sa dakbayan, usa kini ka pagpakita ug suporta sa national nga panggamhanan, gani swerte matud pa ang Gensan nga mapilian nga pahulamanom ug temporaryong pagamiton sa maong road train gumikan sa lagpad nga mga dalan.
Apan higayon matud pa nga makita nga dili pa panahon sa syudad nga makaangkon ug road train, ilaha kining ibalik ngadto na sa DOST aron mapagamit usab sa ubang mga lugar nga nagkinahanglan.
