General Santos City—- Giangkon ni Gensan City Mayor Ronnel Rivera nga iyahang gika-alarma ang mga pagpamusil-patay sa dakbayan kung asa gikan sa bulan sa Enero hangtud sa unang seman sa Pebrero anaa na sa unom ang gipamusil-patay.
Pamahayag ni Mayor Rivera nga hugot ang iyahang direktiba kang Police Senior Superintendent Romeo Ruel Berango, Acting City Director sa Gensan City Police Office nga sulbaron gyud ang maong mga kaso ug hatagan ug hustisya ang mga biktima.
Samtang gibutyag ni Mayor Rivera nga mas gipahugtan na sa kapulisan ang pagbantay sa siguridad tungod sa maong mga kaso kung asa ilaha matud pang ginapatuman ang kapkap bakal sa karon.
Pagpaklaro sa mayor nga iyahang nakita ang pagtrabaho sa kapulisna aron mabantayan ang dakbayan apan aduna gyu’y krimen nga dili malikayan hilabina nga ang pulis ra usba ang ginabantayan sa mga kriminal.
