General Santos City–Gikakurat ni Gensan City Mayor Ronnel Rivera ang kalit nga pagrelib kang Police Senior Superintendent Raul Supiter isip City Director sa Gensan City Police Office.
Sumala niya nga nangayo na siya ug opisyal nga maoy molingkod isip officer in charge ug kini mao si Police Senior Superintendent Oliver Enmodias, ang Deputy Regional Director For Administration sa Police Regional Office 12.
Tumong niini aron nga dili ma-apektuhan ang operasyon sa kapulisan sa dakbayan.Pag-angkon ni Mayor Rivera nga hilabihan ang iyahang kadismaya human manggawas ang isyu sa PPM gumikan dili lang pulis ang mga nahimong biktima.
Subay matud pa sa impormasyon nga naka-abot kaniya, gawas sa mga pulis, daghan sa mga sibilyan, empleyado sa gobyerno ug mga negosyante ang lakip nga himong biktima sa maong scam.
Dugang pa sa mayor nga hilabihan ang iyahang kadismaya mao ang gikalambigitan sa mga opisyal sa kapulisan nga sumala pa maoy nagpaluyo sa maong scam nga unta sila maoy magprotektar sa katawhan batok niining iligal nga binuhatan.
