General Santos City— Gikasubo ni Gensan City Mayor Ronnel Rivera ang pagtaas sa mga street crime kung asa adunay mga biktima gumikan lang sa mga pagpang-trip sa mga suspek.
Sumala niya nga aduna na siyay direktiba ngadto sa mga Chief Of Police nga pangitaon ug dakpon ang mga suspek aron nga maundang ang mga susamang mga insidente kung asa ang mga biktima sagad mga batan-ong kalalakin-an.
Pamahayag sa mayor nauna na siyang nagpagawas ug executive order aron nga mapakusgan ang pagpatrolya panahon sa kagab-ihon kung asa kinahanglan matud pa nga kini ipatuman.
Samtang sa mga nahitabong mga pagpamusil-patay, gibutyag sa mayor nga iyaha ng gihatagan ug ultimatum ang mga opisyal sa kapulisan sa dakbayan ug nakig-alayon na usab sila sa regional headquarters aron nga mahatagan ug kasulbaran ang mga krimen.
