General Santos City—Giangkon ni Gensan City Mayor Ronnel Rivera nga sa wala gyud napa-ilalom sa swab o rapid testing ang tanang locally stranded individual ayha sila mipa-uli sa dakbayan ug uban pang dapit sa rehiyon.
Medical certificate ug Police Clearance lang matud pa ang gihuptan sa tanang LSI nga mipauli pinaagi sa balik probinsya program gumikan kini lang maoy gipangayo sa national nga panggamhanan.
Samtang gi-angkon ni Mayor Rivera nga ilaha ng gilauman nga adunay posibilidad nga adunay mag-positibo sa Gensan gikan sa mga LSI.
Kung asa gibutyag niya nga dili usab pwede nga dili pasudlon sa dakbayan ang mga LSI nga dugay na usab gustong mouli ug maka-uban ang ilahang pamilya human natanggong sa kauluhan ug uban pang lugar sa nasud.
Sa karon matud pa ilaha ng ginapakusgan ang contact tracing capacity sa dakbayan ingon man ang pagpa-accredit sa containerizer bio-safety laboratory aron nga hingpit ng magamit.
Nasayran nga nakatala ang Gensan ug ikaduhang kaso sa nagpositibo sa Covid-19 diin usa ka 22 anyos nga LSI ang nagpositibo sa virus nga gikan sa Cebu City.(LVR)
