General Santos City— Gina-Respeto ni Gensan City Mayor Ronnel Rivera ang mga operasyon nga ginapahigayon sa kapulisan ug uban pang law enforcement unit. Kini gumikan aduna matud pa silay ilahang kaugalingong pamaagi aron nga ma-validate ang tanang impormasyon nga maka-abot kanila.
Apan iyahang panghinaut nga kadtong mga nahimong target sa operasyon ang lihitimong nahilambigit gyud sa llegal nga aktibidad.
Dugang pamahayag ni Mayor Rivera nga nahimo nalang nga normal ang mga alegasyon sa pamilya nga adumay iregularidad sa operasyon sa kapulisan
Rason nga alang kaniya, mas maayong ipa-abot sa korte ang maong mga reklamo aron masayran kung aduna ba gyud sayop nga nahimo ang mga operatiba nga nagpahigayon ug operasyon
Higayon nga kini mapamatud-an, kinahanglan nga matanggal gyud sa serbisyo ang mga nasangpit aron nga dili na pamarisan sa uban.
