General Santos City— Gikondina ni Gensan City Mayor Ronnel Rivera ang nahitabong pagpamomba sa Isulan kung asa duha ang naitalang patay.
Sumala niya human ang maong insidente, iyaha ng gihatagan ug direktiba ang tanang law enforcement unit sa Gensan nga i-review ang security plan sa Gensan. Pamahayag niini nga nangayo na siya ug dugang deployment sa kapulisan ug militar aron nga masigurong luwas ang katawhan atol sa selebrasyon sa Tuna Fesival.
Pagpaklaro ni Mayor Rivera nga may aktibidad man o wala, prayoridad gyud niini ang siguridad sa katawhan ug sa karon, iyahang gipaniguro nga luwas ang Tuna Festival batok sa unsa mang bahad sa siguridad.
Gipaklaro man usab niini nga parte sa ilahang gimugna nga security plan ang posibilidad nga mahimong potential target sa unsa mang pagpangatake ang Gensan rason ngaaduna gyud silay mga contengency plan nga gi-andam.
