General Santos City—Dako ang pagpasalamat ni Gensan City Mayor Ronnel Rivera sa paspas nga aksyon nga gihimo sa National Task Force Against Covid-19 human ang paspas nga pagsaka sa kaso sa Covid.
Saysay niya nga dakong tabang ang presensya sa National Task Force aron sa pag-address sa isyu sa covid dili lang sa Gensan kondili bisan na sa tibuok Rehiyon 12.
Lakip sa gipasalamatan niini mao ang mokabat sa 5 mil nga Testing Kits para sa molecular laboratory sa Dr. Jorge P Royeca Hospital.
Samtang sa hangyo sa Philippine Medical Association Gensan, nauna na matud pang gipulong ni Sec. Carlito Galvez ang mga miyembro niini aron ipasabot nga dili ang pagbalik sa lockdown o ECQ ang solusyon aron makunhuran ang pakigbatok sa Covid-19.
Pamahayag ni Mayor Rivera nga gibutyag matud pa ni Secretary Galvez nga kung magpadayon ang mga intervention sa lokal nga panggamhanan, dili na kinahanglan nga ibutang sa ECQ ang syudad.
Gani dakong tabang ang pag-operate sa laboratoryo sa Royeca Hospital aron sa pagsuta sa kaso sa Gensan.
Dugang pamahayag ni Mayor Rivera nga sa karon, nagsugod una sa 25 ka mga specimen ang unang gi-test sa Laboratoryo sa Dr. Jorge Hopsital.
Dili matud pa nila gustong dalion ang mga pagtest tungod gusto nilang mahandle ug maayo sa mga doktor ang specimen tungod dili nila gusto nga mahimong sinugdanan na usab sa pagtaas sa kaso sa covid sa Gensan ang maong pasilidad.
Nauna na usab nga misaad ang National Task Force nga maghatag ug dugang cartridges para sa St. Elizabeth Hospital hilabina nga lakip ang probinsya sa Sarangani ang gina-cater sa maong psilidad. (LVR)
