Mayor Rivera, gitugyan na sa liderato sa GSCPO ang pagpahigayon ug re-shuffling!

26

Magdepende na sa liderato ni Police Col. Gilberto Tuzon, City Director sa Gensan City Police Office kung magpahigayon kini ug re-shuffling sa iyahang mga Chief Of Police.
Sumala kang Gensan City Mayor Ronnel Rivera nga dili niya gustong panghilabot sa pagpadagan sa kapulisan sa Gensan gawas nalang kung grabe na ang matalang insidente sa hisgutanang Peace And Order.
Apan subay sa iyahang obserbasyon, nindot ang performance sa mga Chief Of Police sa Gensan, gani gawas sa ilahang trabaho sa pagbanatay sa siguridad, ginagamit usab sila sa lokal nga panggamhanan sa pagpoahigayon ug contact tracing.
Damtang gibutyag ni Mayor Rivera nga wala gina-pasagdan sa kapulisan ug sa LGU ang kaso sa patay sa dakbayan.
Higayon matud pa nga adunay mga insidente nga mahitabo, ginahisgutan kini ug ginapangitaan ug pamaagi aron nga mahatagan ug hustisya ang mga biktima.
Apan giklaro niya nga tungod sa kalapad sa Gensan, dili tanang lugar ang mabutangan ug presensya sa kapulisan apan siya nagtuo nga ginahimo sa kapulisan ang tanan aron nga kini mapugngnan o dili ba kaha makunhuran.(CDS)

Facebook Comments