General Santos City— Ipa-verify una ni Gensan City Mayor Ronnel Rivera kung anaa sa intel report sa kapulisan ang duha ka mga Pakistani National nga una ng nadakpan sa PDEA 12 sa may Prk. Malakas, Brgy. San Isidro ning dakbayan.
Apan iyahang gibutyag nga sa karon nagahinay-hinay siya sa paghatag ug komento hilabi na sa nahitabong operasyon batok kang Brgy. Tambler Kapitan Abdul Wahid Bualan nga sumala pa kwestyunableng operasyon.
Pamahayag sa mayor nga buot niya nga mahimong objective ang operasyon batok illegal nga druga ug walay maangin nga mga inosenteng sibilyan. Dugang pamahayag ni Mayor Rivera nga dili niya masulting adunay pagkulang ang kapulisan apan iyaha matud pang gina-respeto ang trabaho sa PDEA.
Pag-angkon niya nga nahimo gyud nga backlog alang sa lokal nga panggamhanan ang operasyon batok kang Kapitan Bualan nga iyahang gikatingad-an. Busa panghinaut nga niya nga tanang madakpan sa bisan unsa nga ahensya ang lambigit gyud unsa mang illegal nga aktibidad ingon man kriminalidad.
