General Santos City—gimanduan na ni Gensan City Mayor Ronnel Rivera ngadto sa kapulisan nga mas pakusgan pa ang intelligence monitoring aron masayran kung si kinsa ang mga responsable sa pagpamusil-patay sa dakbayan.
Sumala ni Mayor Rivera nga apil sa iyahang gika-alarma mao ang kasong pagpusil patay sa miyembro sa kapulisan ug traffic enforcer.
Pamahayag sa mayor nga human ang sunod-sunod nga aktibidad sa dakbayan, iyahang ipatawag ang kapulisan aron nga malingkuran ug mahisgutan ang sunod-sunod nga patay sa syudad.
Pag-angkon ni Mayor Rivera nga kaniadto pa kulang na gyud ang ihap sa kapulisan hilabina sa ilahang mga himan rason nga apil niya kining ginahatagan ug pagtagad, kung asa apil karon sa mga programa sa lokal nga panggamhanan mao ang pagbutang ug mga closed circuit television camera sa mga nag-unang kadalanan sa dakbayan aron nga matabangan ang kapulisan sa pagsulbad sa kriminalidad.
Giawhag man usab niini ang matag barangay nga magbutangusab ug mga cctv ug uban pang himan aron nga makasulbad sa unsa mang matang sa krimen sa ilahang area of responsibility.
